O Concello de Culleredo, a través da Área de Xuventude, e o Fondo Galego de Cooperación e Solidariedade, organizan un obradoiro de cociña sostible o vindeiro martes 25 de abril para concienciar á poboación sobre a cociña de aproveitamento. 

Contará coa participación do cociñeiro Álex Iglesias, do restaurante Cabanas, e a colaboración do programa Tupper Club da Televisión de Galicia. En horario de 17:00 a 19:00 horas, o Centro Municipal de Formación Pablo Picasso acollerá esta actividade, destinada para a poboación de entre 15 e 35 anos e cun límite de 20 prazas. 

Trátase dun showcooking de cociña sostible no que se prepararán pratos de proximidade cos que reducir a pegada de carbono. Encádrase no proxecto europeo #PeopleAndPlanet e #EuDEARProgramme. As persoas interesadas poden inscribirse aquí neste formulario ata o vindeiro 23 de abril de 2023 por orde de chegada, con preferencia para as persoas empadroadas en Culleredo. 

Para máis información ou dúbidas, está habilitado o número de teléfono 620 008 450.