Eugenia Gil e Rubén Eiriz comezan a formación práctica para o alumnado do IES Eduardo Blanco Amor en materia de arbitraxe

A arbitraxe empeza a ter canteira en Culleredo. O Concello e o Comité Técnico Galego de Árbitros de Fútbol comezaron o pasado mes de febreiro o proxecto pioneiro para promover esta vertente do deporte entre os mozos do municipio e hoxe recibiron a primeira sesión práctica con Eugenia Gil e Rubén Eiriz. Acudiron o concelleiro de Xuventude, Abraham Seijas, e a concelleira de Educación, Cristina Pardo.

Gil é árbitro profesional da Primeira División feminina, bolseira en EEUU e subcampioa de España dos 400 metros lisos. Eiriz é delegado do Comité de Árbitros da Coruña, quen xa acudiu á primeira toma de contacto para familiarizar aos escolares cos conceptos de sinalización e posicionamento dos árbitros durante os partidos.

 

O IES Eduardo Branco Amor foi escenario novamente para esta primeira formación práctica, comandado polos colexiados profesionais. Unha trintena de escolares puideron así entrar en materia, equipados xa con tarxetas, chifre e equipamento profesional, que se lles regalou antes de comezar a sesión, para posteriormente traballar sobre o terreo.

Esta Escola de Arbitraxe, de mans do Comité Técnico, inclúe a arbitraxe dos mozos na propia liga escolar. Esta iniciativa non se realizou nunca en España. Con esta proposta búscase enganchar aos rapaces, que verán o seu labor reflectido en partidos cos seus propios compañeiros.

O vindeiro 14 de marzo acudirá ao centro Diego Sánchez Rojo, árbitro asistente internacional FIFA e de Primeira División, que foi premiado este ano como mellor asistente de Primeira. Acode regularmente a encontros da UEFA Champions League e UEFA Europa League, e tamén formou parte do equipo de árbitros da final da Copa do Rei 2022.

O goberno municipal sinala que a arbitraxe é “esencial no deporte e na promoción do seu labor social”. O Concello agradece a implicación da dirección e profesorado do Branco Amor para levar a cabo a actividade, aberta a outros centros.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina