ES / GL

Rematadas as tarefas de pavimentación e mellora da drenaxe en As Nabeiras, que darán solución aos problemas de acumulación de auga nos días de chuvia

27 Xaneiro, 2023. 20:46

O Concello de Culleredo está a executar unha importante actuación de renovación de servizos na parroquia de Sésamo. Trátase da ampliación e mellora tanto da drenaxe como da pavimentación de As Nabeiras.

Así, xa se remataron as tarefas de pavimentación, ás que se sumarán proximamente os traballos de levantamento de tapas e empedrado do frontal da igrexa de San Martiño de Sésamo. O obxectivo é rematar cos episodios de acumulación de auga que sucedían en momentos de choivas fortes, así como o incremento da seguridade viaria e remodelación da contorna da igrexa.

Con esta actuación está prevista tamén a execución da rodadura nos entroncamentos con camiños existentes, así como a execución dun sobreancho na marxe esquerda tanto. Nun último termo, se repintarán os viais afectados por estas obras, renovaranse as sinais verticais e instalarase un “lombo de asno” para mellorar a seguridade viaria.