O Concello de Culleredo conta cun novo equipo para a intervención do persoal de seguridade en caso de xeadas. Trátase dun esparcidor de sal, acoplable aos vehículos, que se incorpora así ao material de emerxencia para Protección Civil.

O esparexedor ten unha capacidade de 362 litros e dispón dun bastidor metálico con protección anticorrosión. A velocidade e a anchura de esparexemento é regulable.

O alcalde, José Ramón Rioboo, recibiu no Concello o equipo, xunto co concelleiro de Protección Civil, Abraham Seijas. O rexedor destacou que o incremento dos equipos de emerxencia “é unha constante” para proporcionar unha intervención rápida á cidadanía, neste caso, para situacións de presenza de xeo ou neve na rede viaria, o que sempre é unha rega para a circulación.

O equipo foi proporcionado pola Xunta de Galicia, en virtude da axuda lograda polo Concello para a dotación de equipamentos. Culleredo é beneficiario xunto a outros 6 concellos e unha mancomunidade de toda Galicia.