Adxudicados os traballos de renovación, ensanche e saneamento da estrada provincial DP-0510, que une Confurco e Orro

A Deputación da Coruña adxudicou por 1.754.588,69 euros os traballos de renovación, ensanche e saneamento da estrada provincial DP-0510 de Confurco a Orro, obra que se retomará de maneira inminente. As obras de saneamento serán asumidas polo Concello de Culleredo.

Intervirase nunha superficie total de 3 quilómetros, mellorando os accesos aos núcleos de Figueiras e As Caíñas, creando espazos máis seguros para as persoas que circulan diariamente por este itinerario mediante unha senda.

A esta infraestrutura sumaranse as tarefas de ensanche e mellora do trazado, todas accións asumidas pola Deputación.

Na actualidade, esta vía ten un ancho de cinco metros e medio e carece de beirarrúas, o cal impide unha correcta seguridade viaria. Para liquidalo, ampliarase a plataforma para dotala de dous carrís de tres metros cada un, e de beirarrúas de medio metro, así como de cunetas de seguridade.

Co obxectivo de favorecer o tránsito dos viandantes entre as distintas casas que se sitúan a ambas as marxes da estrada crearase, como dixemos anteriormente, unha senda peonil de dous metros de ancho ao longo da estrada que une Confurco con Orro. Ademais, nas zonas onde o ancho da vía o permita, aproveitarase para crear un aparcadoiro en batería.

O proxecto tamén prevé a mellora dos accesos e interseccións, a modificación das curvas con radio moi reducido e a execución dunha nova glorieta á altura do punto quilométrico 2+000, ca fin de favorecer os cambios de sentido e eliminar os puntos de alto risco tanto para o tráfico rodado como para os viandantes.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina