O Concello incluirá nos orzamentos de 2023 unha partida para remodelar a estrada VP-501 que une Folgueira co Monte Xalo

O Concello de Culleredo incluirá unha partida de 226.108,62 euros nos orzamentos municipais 2023 para remodelar a estrada VP-501, que une o núcleo de Folgueira co Monte Xalo. Trátase do principal acceso á contorna.

Está previsto que esta semana, se as condicións meteorolóxicas o permiten, se leven a cabo tarefas de rebacheo, para emendar as deficiencias que presenta o firme. Serán uns traballos para dar unha solución provisional mentres non comecen os traballos de renovación.

Co proxecto que xa dispón a Administración local, a idea é, ademais de optimizar as condicións do firme, mellorar a seguridade nesta estrada, instalando biondas nas zonas máis perigosas, así como a correspondente sinalización luminosa e indicacións pintadas en superficie.

Actuarase no total da lonxitude da vía, que conta con 2.520 metros de longo e un ancho medio de 5,2 metros. Tamén se mellorará a drenaxe e desenvolveranse tarefas de conservación e mantemento.

A idea coa que xa traballa o goberno local é efectuar un intercambio coa Deputación da Coruña na titularidade de varias vías. O ente provincial conta na súa rede de estradas con varias que son de uso local. E á súa vez, o Concello dispón de vías como esta de acceso ao Monte Xalo, con notables características de ámbito máis provincial que municipal.

De feito, a estrada desde a N-550 en Tabeaio (Carral) ata Folgueira si que é da Deputación, mentres que a mencionada continuación cara ao Xalo é do Concello.

“Esta é desas estradas de carácter supramunicipal, que encaixan na visión de cedelas a outras administracións, como neste caso á Deputación, e que aquelas de ámbito local e urbano nos sexan traspasadas a nós”, sinalan desde o executivo.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina