O Centro de Formación Municipal Pablo Picasso acolle un novo curso de empregabilidade para mozas de 16 a 30 anos, actividade que se desenvolverá ata o 17 de outubro nunha das aulas do edificio.

Trátase dun programa integral de cualificación e emprego cofinanciado polo Fondo Social Europeo, o Ministerio de Traballo e Economía Social e as Cámaras de Comercio de España e A Coruña.

Está deseñado para dar resposta ás necesidades dos mozos en materia de procura de emprego, ofrecendo unha formación que aumente as súas oportunidades laborais e coa finalidade de preparar aos alumnos e alumnas para afrontar con éxito as entrevistas de traballo.

Os obxectivos básicos son o facilitar o desenvolvemento do alumnado e habilidades, coñecementos e recursos que lles permita achegarse ás empresas, desenvolverse adecuadamente en postos de traballo, enfrontarse á procura de emprego, autocoñecemento persoal, sentirse seguro e aceptado polo conxunto da sociedade, desenvolvemento de ferramentas e estratexias para a consecución dun emprego, sistematizando condutas exitosas ou a utilización das redes sociais.