A Deputación da Coruña aprobou hoxe en Pleno o proxecto de mellora da seguridade viaria na DP-3109 e DP1705, onde se actuará nun total de 3.503,7 metros cadrados e abarcará un tramo de 215 metros de estrada provincial DP-3109, dos cales 140 metros forman parte da rúa do Concello e 75 metros da rúa José Ramallo; outros 99 metros corresponden á DP-1705 integramente na rúa do Concello. Contará cun investimento de 364.028,28 euros.

O proxecto permitirá darlle máis protagonismo ao peón en detrimento dos vehículos de motor. Xerarase unha plataforma única de pedra e formigón que unirá as fachadas dos edificios que lindan co Consistorio, nos ámbitos da igrexa de Santo Estevo e o parque municipal de Tarrío. A nova sección obrigará a diminuír a velocidade aos condutores que, de maneira inconsciente, buscarán novos roteiros alternativos reducindo así o paso de vehículos pola zona. Trátase dunha “praia” de pedra e formigón desactivado que creará unha unión espacial e logrará a integración urbana nunha contorna que, unido á mellora da mobilidade, dará unha condición de humanización. Reducirase, ademais, o desnivel entre a calzada e a beirarrúa, deixando unha diferenza de 3 centímetros, e renovarase a rede de pluviais, saneamento e iluminación.

Plan municipal

A este proxecto que se aprobou en sesión plenaria provincial sumaráselle o ideado polo Concello de Culleredo, complementario ao mesmo, e onde se buscará actuar na rúa Constitución e rúa Viouteiro. Dotarase ás mesmas de novos pavimentos e mobiliario urbano, unha mellor seguridade viaria dando prioridade ao peón, e optimizar as canalizacións de servizos municipais dentro do ámbito de actuación. Terá un orzamento basee de licitación de 117.428,94 euros.

Actuarase nun total de superficie de 1189,6 metros cadrados e abarca un tramo de 43 metros cadrados da rúa Constitución e 87 metros cadrados da rúa Viouteiro. Rehabilitaranse os pavimentos con tramos renovados de beirarrúas de lousa.

As obras teñen como fin unha mellora na seguridade viaria e unha labor humanizadora no centro do Concello de Culleredo, en concordancia co proxecto provincial, coa idea de conseguir darlle máis protagonismo ao peón que aos vehículos, deseñando a contorna cun tráfico de convivencia peón-vehículo que obrigue ao vehículo para reducir a súa velocidade e que, aos poucos, supoña que o tráfico de vehículos derívese a percorridos alternativos.

Coas obras proxectadas, ademais de dar solución ás problemáticas descritas no apartado anterior, preténdense os seguintes obxectivos: Desde un punto de vista xeral, proponse unha homoxeneización e acondicionamento das beirarrúas e a calzada e o aproveitamento dos espazos públicos existentes, ampliando e mellorando os mesmos respecto da súa situación actual; simultaneamente, mellorarase a seguridade viaria na contorna, dándoselle prioridade ao peón; dita humanización servirá tamén de base para a renovación e adecuación ás necesidades actuais dos servizos municipais afectados polas obras.