Patrimonio autoriza o Concello de Culleredo a remodelación da Praza de Galicia

O Concello de Culleredo obtivo, tras meses de tramitación administrativa con Patrimonio, debido a que a contorna dos traballos de remodelación da Praza de Galicia atópase en área de influencia do Camiño Inglés, os pertinentes permisos para a licitación da obra, que espera ver a luz nas próximas semanas. Foise adaptando así, progresivamente, aos cambios que requiría o ente autonómico.

Tras numerosas reunións entre o proxectista, os técnicos municipais e o alcalde, José Ramón Rioboo, con responsables de Patrimonio, chegouse despois de meses ao acordo definitivo. O primeiro requirimento foi o 3 de xuño do 2021, e máis dun ano despois obtéñense todos os permisos para poder licitar a intervención.

O rexedor agradeceu a Patrimonio “que por fin autorizase a obra, que debe cumprir o principal obxectivo, que non é outro que evitar as filtracións aos garaxes na súa planta superior, para o que desde o xulgado déronse as prórrogas para a súa execución”, sinala.

Contará cun orzamento de 1.367.816 euros e gozará dunha imaxe moderna, co peón como protagonista. O proxecto do Concello contempla un cambio substancial tanto na súa estética como nas súas prestacións, cun novo parque infantil e remodelación do firme.

Prevense, entre outras medidas, mellorar a seguridade viaria e implementar accións de rexeneración urbana da contorna modificando os pavimentos tanto de beirarrúas como da calzada, a reparación dos servizos municipais deteriorados, a reordenación de espazos e a adaptación dos itinerarios peonís ás normativas de accesibilidade vixentes.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina