O Concello de Culleredo rende unha sentida homenaxe ás persoas voluntarias durante a pandemia

Culleredo rendeu esta mañá unha sentida homenaxe ás persoas voluntarias durante a pandemia, xusto cando se cumpren dous anos do decreto do estado de alarma. Onte, a explanada do Burgo acolleu un acto ao que acudiron o alcalde, José Ramón Rioboo; os edís e  edilas do grupo de goberno; María Rivas, subdelegada do Goberno; Esteban  Miguélez, Brigada da Garda Civil e Oliva García e Francisco Saavedra, en representación da Asociación Provincial de  Agrupacións de Voluntarios de Protección Civil da Coruña, directoras e directores de varios centros educativos, persoal sanitario e as persoas homenaxeadas e as súas familias.

Durante o mesmo, proxectouse un vídeo de agradecemento, no que se podían ver nunha pantalla tras o escenario rostros protagonistas da homenaxe: moteiras e moteiros que entregaron os deberes a domicilio, persoal sanitario, forzas e corpos de seguridade do Estado, empresas que doaron material durante o estado de alarma, traballadoras e traballadores municipais, servizos de limpeza…

Varios alumnos do Conservatorio Municipal interpretaron senllas pezas musicais na desenvolvemento da homenaxe, que foi conducido por Luís Pardo. A concelleira de  Maiores, Susana Amor, e a técnico de  Xuventude, Ana  Oteruelo, quixeron ter unhas palabras de agradecemento a todas e todos eles. Nas insignias entregadas a cada unha e un deles podíase ler a frase “Sumando  xunt@ s superaremos  as dificultades”, xunto ao escudo municipal e un código  QR co que poderán  visionar o vídeo homenaxe sempre que queiran.

“Hai  xusto  dous anos vimos como a  nosa  realidade cambiaba de  xeito radical, como  lle  tivemos que  facer  fronte a un  inimigo invisible e  perigoso, sen  ferramentas e  moitas veces a  cegas e todas e todos  vós, sen excepción,  sodes  exemplo de como superar a  adversidade”,  comezaba ou  seu discurso ou alcalde, José Ramón Rioboo, quen agradeceu “en  nome de todo Culleredo a todas  as  persoas que nos  acompañades  hoxe aquí, e  ás que  non poden  facelo pero que,  dun  xeito  ou  doutro, están  sempre con  nós e  na  nosa memoria”.


In memoriam

Esta semana coñecimos a triste noticia do falecemento de Antonio Sueiras Castro, voluntario que formaba parte do grupo Moteiros Coruña, entre outros, e que colaborou, de maneira incansable como cada un das súas compañeiras e compañeiros, cos seus veciños durante a pandemia.

Gardouse un respectuoso minuto de silencio e no seu nome, recolleu a insignia que recoñece a súa implicación e esforzo durante o estado de alarma, a súa viúva,  Lizi Carolina Acosta.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina