• Os cristais presentaban roturas en todas as seccións, polo que se renovarán, ademais dos vinilos, coa consecuente mellora estética.

O  Concello de Culleredo comezou hoxe os traballos de renovación da estrutura do parque cuberto da praza José Prieto, situado na Corveira. Os cristais presentaban roturas en todas as seccións, polo que se renovarán, ademais dos vinilos, coa consecuente mellora estética.

A nova serigrafía contará coa denominación da localización da área de xogos, “Parque municipal praza José Prieto” con motivos coloridos que se fusionarán perfectamente coa contorna. Os cristais serán dun material máis resistente para que non sexan tan castigados polas inclemencias meteorolóxicas nin por actos vandálicos.

Desde o goberno local aseguran que “as melloras nas áreas de xogos presentan unha alta demanda, e estamos a cubrir as necesidades de maneira equilibrada e respondendo as peticións das veciñas e veciños de Culleredo”, anuncian.