Este encontro celebrarase no Auditorio  Gustav  Mahler ás 19:30 horas.

O  Concello de Culleredo e o Conservatorio Municipal de Música impulsan, despois do  interludio provocado pola pandemia, unha nova edición de “Batutas e Bastóns”, a orixinal iniciativa que combina a música coa palabra e que permitirá gozar aos alí presentes dos testemuños de figuras como o director de orquestra Juanjo Mena ou o xerente do CHUAC, Luís Verde.

Celebrarase mañá, mércores 16 de febreiro, no Auditorio  Gustav  Mahler do Conservatorio, e para acudir é necesario reservar no propio edificio ou chamando ao 981 66 77 98, en horario de 15:00 a 21:30 horas. A asistencia está limitada a 75 prazas.

Moderará Marcos Seoane, director do Conservatorio Municipal de Música de Culleredo, unha sesión organizada baixo o título “Xa non son músico e podo dicir toda a verdade”, coa presenza tamén do alcalde do municipio, José Ramón Rioboo.