ES / GL

O Concello de Culleredo executa a renovación do firme da vía que une os núcleos de Vinseira e Folgueira

28 Xaneiro, 2022. 13:04

O Concello de Culleredo continúa co seu plan de actuacións de mellora na rede viaria do rural. Así, están a executarse as intervencións de renovación do firme da estrada que conecta Folgueira con Vinseira, e que serve ademais para dar acceso a vivendas da zona.

A intervención estase a desenvolver nos 1,2 quilómetros de lonxitude do vial. O Concello rehabilitará a capa de rodaxe mediante a execución dun dobre rego asfáltico en toda a súa superficie. En puntos con máis danos será demolido o pavimento e procederase ao seu rebacheo.

O investimento previsto na estrada será de 43.198,49 euros. Co proxecto incrementarase a seguridade viaria e as condicións de uso para os residentes, algo “prioritario” no plan de execucións do goberno local.