Mañá, xoves día 9 de setembro, terá lugar o comezo dun novo curso escolar. Con motivo das obras que se están acometendo baixo a ponte da AP-9 e coincidindo co inicio do curso escolar, habilitarase un carril de circulación para vehículos a motor que dea acceso ao CEIP Vila de Rutis desde a rotonda da DP-3107, a carón do Eroski Center.

A petición expresa das empresas que levan a cabo estas obras, tan só se habilitará ao tránsito un carril e durante as horas de entrada e saída ao recinto escolar. O resto do tempo é necesario que permaneza pechada por completo a estrada para continuar as tarefas.

A Policía Local de Culleredo regulará a circulación de entrada e saída, xa que repetimos, só estará habilitado un carril.