O Concello adxudica importantes intervencións nas zonas rurais e urbana cun valor de 285.000 euros

O Concello de Culleredo adxudicou importantes intervencións en materia de seguridade viaria e renovación de infraestruturas tanto nas zonas rurais como na urbana cun valor de 284.337,30 euros.

Serán cofinanciadas coa Unión Europea a través dos fondos FEDER. Trátase da renovación do parque infantil da praza Europa, a reforma e ampliación do centro cívico e social de Sueiro e a mellora da seguridade viaria nas zonas escolares de Culleredo.

Así, a renovación do parque infantil da praza Europa consistirá na creación dun novo espazo para os máis pequenos, co pavimento e os xogos renovados. Modificarase totalmente a estrutura actual, dividindo o espazo en dúas seccións, respondendo cada unha delas a diferentes idades das nenas e nenos que acceden ao mesmo, primando a súa seguridade. A cor predominará para ofrecer unha imaxe atractiva e moderna á praza. En canto aos xogos, serán novos e variados, para impulsar a súa utilización para todos os gustos e diferentes idades.

En canto ao centro cívico e social de Sueiro, verá triplicado o seu espazo para desenvolver actividades no seu interior. Os veciños da parroquia concretaron co alcalde de Culleredo, José Ramón Rioboo, as súas necesidades, que guiaron a confección do proxecto. A ampliación do espazo e a mellora das condicións serán os piares do proxecto. A dependencia conta hoxe en día cunha sala de actividades, a cafetería e dous baños sen adaptar. Tras a actuación do Concello, será máis grande, contará con máis prestacións e funcionalidades e terá aseos adaptados. As zonas de actividades verán triplicada a súa superficie. A dependencia contará cun novo soportal na entrada e unha zona exterior de grelladas.

Por último, as actuacións proxectadas para mellorar a seguridade viaria nas zonas escolares de Culleredo van encamiñadas a reforzar e mellorar a sinalización existente. Tamén se incluíron os traballos necesarios para a ampliación e/ou elevación das plataformas das beirarrúas enfrontadas aos pasos de peóns, para conseguir que estes dispoñan de maior visibilidade de presenza de vehículos, e á súa vez, que os peóns poidan ser vistos polos condutores con maior claridade e antelación cando estes dispóñanse a cruzar a calzada. As zonas nas que se actuará será a rúa Condes de Andrade, a rúa Domingo Sierra, a  rúa Vicente Risco, a avenida de Rutis, a rúa  Ribados e a rúa Moncho Reboiras.

Con este compendio de actuacións, continúase “humanizando e mellorando infraestruturas para incrementar a seguridade e o benestar das veciñas e veciños de Culleredo”, ao que o goberno local avanza que “se seguirá esta liña de actuacións que marcarán o estilo do noso municipio do futuro”, aseguran.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina