O Concello de Culleredo abre a licitación dun paquete de obras que permitirá a realización de numerosas melloras no municipio, respondendo as necesidades transmitidas polos propios veciños. Será un investimento de 253.541,37 euros que inclúe as seguintes actuacións:

• Pavimentación de Vinxeira a Sueiro, As Granxas e rúa Os Condes: 74.621,11 euros
• Pavimentación da rúa Conde de Lemos, rúa Joaquín Sorolla e acceso ao CEIP Díaz Pardo: 71.461,44 euros
• Pavimentación no núcleo de Celas: 61.060,40 euros
• Pavimentación na rúa Riazor, Orro e instalación de rede de fecais en Peiro: 46.398,42 euros

O goberno local destaca que se trata de actuacións demandadas polos veciños ou detectadas polos servizos municipais e que suporán un notable incremento da seguridade viaria. As obras abordarán tanto a mellora de vías no rural como na trama urbana.

Nesta destaca a remodelación do acceso ao colexio do Burgo. Para ordenar a circulación nun punto polo que día a día pasan centos de alumnos, profesores e pais proxéctase a construción dunha pequena rotonda e un cambio na zona para peóns da ponte baixa a autoestrada.

Dadas as dificultades de accesibilidade existentes pola estreiteza do paso, o Concello unificará as beirarrúas facendo unha máis ampla para propiciar a mobilidade dos peóns.

O contrato estrutúrase nos 4 lotes especificados anteriormente. As ofertas poden presentarse individualmente a cada un deles.