Ante o temporal, con alerta laranxa decretada, que se prevé para hoxe, venres 7 de febreiro pola tarde e noite, o Concello de Culleredo, tomará diferentes medidas para evitar riscos na poboación.

A Concellería de Seguridade Cidadá manterá un dispositivo especial do servizo municipal de Protección Civil ante o mal tempo. Os efectivos estarán alerta para apoiar ante as incidencias que podan surxir. Pecharanse os parques infantís e biosausables, carril bici, ou pista de skate.

Procederase á suspensión das actividades ao aire libre nas seguintes instalacións:

•     Campo de fútbol de Rutis
•     Campo de fútbol do Burgo
•     Campo de fútbol de Tarrío
•     Campo de fútbol 7 das Brañas

Ademais non se poderán realizar actividades nas polideportivas descubertas do municipio.

Con estas medidas, o Concello quere garantir a seguridade dos veciños dadas as malas condicións meteorolóxicas previstas.