O Concello de Culleredo aposta pola creación dunha programación de actividades específica para os mozos do municipio. Nace así o "Outono Xove", que oferta unhas 240 prazas nos principais centros de interese dos veciños de 14 a 35 anos de idade para os meses de outubro a decembro.

A Concellaría de Xuventude estrutura o programa en actividades para a franxa de 18 a 35 anos de idade, por unha banda, e nun espazo para os mozos de 14 a 18 anos, pola outra. Desta forma, o goberno local garante que as propostas se adaptan ao máximo ás necesidades de todos os mozos.

Para a franxa de 18 a 35 anos, o Concello lanza varias actividades e cursos de tipo creativo:

• Monográficos de Tempo Libre: ideados preferentemente para mozos vinculados ao tempo libre, animadores, educadores ou voluntarios do Concello. Neles poderán ampliar os seus recursos para traballar neste campo. Haberá 5 monográficos:
  • Globoflexia
  • Manualidades 2.0
  • Organización dunha ludoteca
  • Xogos populares e tradicionais
  • Contacontos
• Curso de coctelería: preparación e elaboración tanto de coctelería clásica como moderna
• Curso de condución adversa
• Curso de condución segura para motos

Para a franxa de 14 a 18 anos de idade, o goberno de Culleredo lanza actividades os venres, que levan como denominación "Os venres son para ti". Este espazo, que se desenvolverá no centro social de Fonteculler, contará coas seguintes variedades:

• Taller de sacrapbooking
• Taller de fimo
• Taller de foamy
• Customización de gorras e bolsos
• Zumba
• E breakdance, proximamente

O prazo de preinscrición no "Outono Xove2 está aberto e prolongarase ata o 3 de outubro, no centro de formación Pablo Picasso do Burgo.