O Concello de Culleredo leva a cabo accións dirixidas aos consumidores. O vindeiro xoves 20 de xuño, ás 19.00 horas, no Pazo de Vila Melania, o Punto municipal de información ao consumidor de Culleredo e a Asociación de usuarios de banca e caixas de aforros (ADICAE) organizan unha xornada informativa sobre as preferentes, cuestión que preocupa na actualidade a moitas persoas.

Na xornada abordaranse temas coma o canxe de participacións preferentes e subordinadas, e canxe por accións imposto polo FROB e polo Fondo de Garantía de Depósitos. A xornada non precisa inscrición previa e á mesma poden acudir todas as persoas afectadas que o desexen.

Intervirán na Xornada: Verónica Pazos, técnica de consumo de Adicae, e José Luis Barral, avogado de Adicae.