O Ministerio de Fomento aproba a proposta de modificación da liña límite de edificación na Terceira Ronda e na autovía de acceso ao aeroporto de Alvedro elevada polo Concello de Culleredo. Así figura na resolución do director xeral de Estradas que remitiu ao Concello.

O alcalde de Culleredo, Julio Sacristán, deu conta desta resolución á corporación na sesión plenaria que se celebrou o pasado xoves. As novas aliñacións afectan aos seguintes tramos:

• AC-14, marxe esquerda,  puntos quilométricos 3,817 ao 4,520 e 7,994 ao 8,065
• AC-14.Ao, marxe dereita, puntos quilométricos 1,870 ao 2,014 e 1,882 ao 1,982

 Os veciños da Urbanización Augas Mansas solicitaran ao Concello de Culleredo a fixación das aliñacións nesta urbanización, co fin de que excepcionalmente non fóra de aplicación a Lei de Estradas nesta urbanización e evitar así que parte dela quedase fora de ordenación, tendo en conta que devandito solo é urbano polo desenvolvemento do Plan Parcial correspondente e considerarse como solo urbano consolidado.

O alcalde mantivera unha reunión coa Demarcación de Estradas do Estado co fin de fixar as aliñacións que agora son xa definitivas.
 
Desta forma conséguese o mesmo acordo que no seu día se formalizou  con Fomento e Autoestradas para os solos urbanos consolidados en Vilaboa e o Burgo pola construción da autoestrada AP-9.