A Concellaría de Sanidade, que dirixe Carmen Varela Corbelle, dentro do seu Proxecto de prevención de enfermidades transmisibles, organiza un curso de formación de "Mediadores en prevención do VIH/Sida". O curso, cunha duración de 20 horas, desenvolverase no Edificio Social Electo Carballo de O Portádego os días 30 e 31 de outubro e 6 e 7 de novembro.

Esta actividade ten como finalidade a formación de veciños e veciñas de Culleredo e persoal técnico co obxectivo de dotalos dos coñecementos básicos que os habiliten para realizar posteriores accións, e ser axentes preventivos na loita contra o VIH/Sida. As actividades preventivas realizarase como práctica do curso naqueles espazos e lugares donde se concentran máis os grupos de risco, con especial atención ao colectivo de persoas inmigrantes que representan na actualidade o 30% das novas infeccións por VIH/Sida.

Esta acción é financiada pola Dirección Xeral de Saúde Pública da Consellería de Sanidade, e nela colabora a Asociación de inmigrantes Mestura de Culleredo.