A Mostra interactiva "Mundo Saúde" que organizou a Concellaría de Sanidade do Concello de Culleredo foi moi ben acollida pola cidadanía cullerdense. Foron máis de 6.000 persoas as que entraron nas diferentes carpas para facer as súas consultas. Audiometría e Óptica xunto con Parámetros de saúde foron as máis demandadas. Desde a Concellaría considérase que a experiencia ten que repetirse noutras edicións para seguir insistindo na necesidade do coidado da saúde e na promoción de estilos de vida saudables, liña prioritaria do traballo político do departamento de sanidade nesta lexislatura.

O evento contou co patrocinio das empresas: Mutua Gallega-Corporación mutua, Supermercados Haley, Insulae-Sikae, Seculler, Ópticos Sánchez Rubal, Instelec e Limpezas Xalo, empresas as que o concello agradece a súa colaboración e espera contar con elas para vindeiras edicións.