ES / GL

Culleredo prepárase para o XXVIII Festival Internacional de Galicreques 2023

5 Octubre, 2023. 13:14

Culleredo prepárase para o XXVIII Festival Internacional de Galicreques 2023. Comezará o mércores 11 de outubro coa representación de 'Títeres a cielo abierto', de Manu Mansilla, e acollerá tres espectáculos ao longo do mes de outubro.

Un monstro que parece terrorífico, un tipo que busca secuaces para conquistar o mundo e un monicreque que cre que manda máis que a man que o move serán os tres personaxes que dean vida a tres historias cómicas. As entradas xa están dispoñibles.

Para o venres 20 de outubro, ‘Nino & Mambrú’, de Nauta Teatro, un espectáculo onde os protagonistas son dous excéntricos limpabotas que presumen de ser os mellores na súa profesión. Poderán adquirirse os billetes para partir do 16 de outubro.

O 27 de outubro, tamén venres, Títeres Alakrán presentará ‘A pita xefa’, pensada para todos os públicos, unha pequena galiña poderá facer moitas cousas, incluso a máis importante: cambiar as normas do galiñeiro. As entradas poden reservarse desde o 23 de outubro.

Todas as sesións serán ás 19:30 horas no Auditorio de Servizos Múltiples, no Burgo, e a reserva de butacas pode facerse na mesma semana da actuación, no 981 66 55 97.