• A rúa Domingo Sierra cortarase ao tráfico na súa intersección con Condes de Andrade, para favorecer o paso de vehículos pola antiga N-550.

O Concello de Culleredo dará comezo mañá, ás 22:30 horas, os traballos de pavimentación no cruce da Avenida de Vilaboa con Domingo Sierra, noutra das intervencións que buscan modernizar tanto esta vía como o seu entorno.

Durante os mesmo, que se realizarán pola noite para aliviar a conxestión no tráfico e durante catro noite, instalarase semáforos de obra na Avenida de Vilaboa, en ambos sentidos de circulación, e dando paso alterno por ambos lados da rotonda.

A rúa Alcalde Domingo Sierra permanecerá cortada na súa intersección con Condes de Andrade, para favorecer o paso de vehículos pola antiga N-550. Quedará totalmente restablecido o xoves, día 5 de outubro.

O alcalde, José Ramón Rioboo, apunta que "se apostou por unha modernización completa do cruce e a urbanización do entorno nas vías que desembocan nel". O rexedor destaca que "a modernización de Vilaboa é un claro exemplo de proxectos que queremos extrapolar a outros ámbitos de Culleredo; xerar un entorno accesible con zonas verdes, mobiliario e novos servizos para contribuír ao incremento do benestar".