O Concello de Culleredo despide o programa 'Volta activa' co obxectivo de achegar á veciñanza as sinxelas rutinas de exercicio diario

O Concello de Culleredo, a través da concellería de Maiores, despediu esta mañá o programa ‘Volta activa’, cuxo obxectivo primordial era o de achegar ás veciñas e veciños as rutinas sinxelas para a práctica do exercicio diario, fomentando así hábitos saudables. 
 
Deron comezo o pasado 16 de novembro e clausuráronse hoxe en Celas, venres 13 de xaneiro, enmarcadas no Programa Municipal de Sanidade e Calidade de Vida das Persoas Maiores e cun gran éxito de convocatoria.
 
Cun carácter interxeracional, estivo dirixido ás persoas adultas do municipio, de todas as idades, para promover a práctica do exercicio cun carácter preventivo para a saúde física pero tamén mental, e cunha perspectiva motivadora e para incorporarse en diante ás novas actividades de grupo deste tipo, ou ben continuar con esta boa práctica por conta propia durante o resto do ano. 
 
Os obxectivos que se traballaron durante as sesións estaban dirixidos a xerar patróns de movementos saudables, aplicables á vida cotiá, e a poñer en práctica exercicios básicos que hai que ter en conta á hora de facer deporte, como estiramentos, relaxación, etc. 
 
Tamén se encamiñaron a coñecer distintas disciplinas e alternativas de actividade física, así como facer un uso apropiado dos equipamentos dos parques biosaudables, descubrindo as posibilidades que a contorna nos ofrece para este fin.
 
Esta actividade era completamente gratuíta, e constou dunha sesión semanal nos seguintes espazos: 
 
- Os luns de 11 a 12 horas no centro social municipal de Fonteculler. 
- Os martes de 11 a 12 horas no Parque da Torre de Celas. 
- Os mércores de 11 a 12 horas en Tarrío, no Centro Social ‘Ou noso lareira’. 
- Os xoves de 11 a 12 en Sueiro, no centro social municipal. 
- Os venres de 10 a 11 no Burgo, no parque biosaudable do Paseo Marítimo e de 11:30 a 12:30 horas en Vilaboa, no Pazo de Vila Melania.
 
A concelleira de Maiores do Concello de Culleredo, Susana Amor, destacou “a gran afluencia de veciñas e veciños do noso municipio que quixeron participar no programa e que amosaron en todo momento vontade plena para desenvolver novas habilidades e coñecementos á hora da práctica do deporte”, engadindo que “isto nos congratula porque queremos que sexa unha tendencia á alza e todo pasa por asentar este tipo de actividades”.
 

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina