Afaco comeza en Vilaboa os talleres para apoiar as fases iniciais do Alzheimer

As instalacións de Benestar Social do Concello de Culleredo situadas en Vilaboa acollerán desde mañá os talleres do programa Activa-T, que organiza a Asociación de Familiares de Enfermos de Alzheimer da Coruña (AFACO) e que chega ao municipio cullerdense grazas á colaboración entre a devandita entidade e o goberno local.
 
O programa Activa-T, dirixido a persoas con deterioración cognitiva leve e a quen padecen Alzheimer na súa fase inicial, ten como obxectivo retardar o avance da enfermidade e mellorar a calidade de vida a través de terapias non farmacolóxicas.
 
Os participantes no programa Activa-T, persoas que presentan Alzheimer ou outras demencias nunha fase demasiado inicial para acudir a un centro de día pero demasiado avanzada para axustarse ao perfil doutro tipo de talleres, acudirán ás instalacións de Vilaboa os mércores e os venres, de 10.00 a 11.30 horas. Unha psicóloga de AFACO será a encargada de coordinar as actividades que realizarán, así como de facer o necesario seguimento de cada un deles e de manter contacto permanente cos seus familiares e cos médicos.
 
A Asociación de Familiares de Enfermos de Alzheimer da Coruña (AFACO), que destaca o interese mostrado polo Concello de Culleredo por implantar o programa Activa-T no municipio, lembra a importancia que ten recibir terapia non farmacolóxica desde que os síntomas das demencias comezan a manifestarse e lamenta que moitas familias comecen a interesarse polas mesmas cando o cadro está xa demasiado avanzado.
 
As familias que desexen participar en Activa-T aínda están a tempo de formalizar a inscrición, xa que esta permanecerá aberta unha vez iniciados os talleres. Para iso, deben poñerse en contacto con AFACO a través do número de teléfono 981 205858. Unha entrevista aos familiares e unha avaliación cognitivo-afectiva de cada un dos candidatos determinarán cales se adaptan ao perfil ao que van dirixidas as actividades do programa, deseñado para entre 10 e 15 persoas. O prezo da inscrición é de 70 euros, aínda que as familias poden solicitar a libranza económica a través da Lei de Dependencia.

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina