O Concello de Culleredo organiza un obradoiro de fotografía dixital no verán. A iniciativa contará dunha modalidade en nivel de iniciación e doutra en nivel de perfecionamento, de cara a responder as necesidades dun rango maior de veciños.

Os talleres terán lugar de 21 de xullo ao 4 de agosto no centro municipal de formación Pablo Picasso. Están dirixidos a mozos e mozas empadroadas no municipio de Culleredo.

Os obradoiros celebraranse de luns a mércores. De 10.00 a 12.00 horas terá lugar o de perfecionamento e de 12.00 a 14.00 horas o de iniciación. As prazas cubriranse por orde de inscrición.

Para anotarse hai que dirixirse á Concellería de Formación, sita no centro Pablo Picasso do Burgo.
Teléfono: 981 664 204.
Correo electrónico: cipax@culleredo.org.