A Casa Rosa do Burgo albergará un centro de rehabilitación para persoas con enfermidade mental

O Concello de Culleredo prosigue aumentando a carteira de servizos sociais no municipio. A xunta de goberno que preside Julio Sacristán acordou onte adxudicar o uso da Casa Rosa do Burgo á Asociación Pro Enfermos Mentales (APEM), co obxectivo de proporcionar un inmoble para o desenvolvemento dun centro de rehabilitación dirixido aos veciños de Culleredo e da comarca con esta enfermidade.

A concesión efectúase cunha duración de 25 anos, que serán prorrogables ata os 50. Será APEM a encargada de levar a cabo as obras necesarias para adaptar a Casa Rosa ao que requira a creación do novo centro.

A Casa Rosa pasará a ser un centro de rehabilitación psicosocial e laboral de persoas con enfermidades mentais. Incluirá unha vivenda de transición á vida autónoma coa finalidade de promover a adaptación dos usuarios á vida independente.

A concesión do inmoble municipal non vai aparellado a ningún tipo de canon a APEM. A súa utilidade pública e o interese xeral do servizo que alí se ofertará levan o Concello a esta concesión gratuíta.

Con este acordo, o Concello cumpre o compromiso alcanzado no seu día con José Luis Muruzábal, fundador de APEM recentemente falecido, quen sempre tivo a intención de abrir un centro desta clase en Culleredo.

A Casa Rosa permanecía actualmente sen uso, despois de que o Concello trasladase o centro social de maiores que albergaba a un local do entorno da Costa da Lonxa. Así, explica o alcalde, “darémoslle un uso moi necesario para moitas persoas e de enorme interese social”.

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina