O Burgo acolle a mostra fotográfica do concurso "Imaxes con fondo"

Culleredo acolle no xardín botánico do Burgo a súa exposición máis solidaria. Trátase da mostra do concurso "Imaxes con fondo" que organizou o Fondo Galego de Cooperación e Solidariedade, entidade da que forma parte o Concello de Culleredo.

A exposición estará aberta ao público ata o vindeiro venres 7 de marzo. O horario de visita é de luns a venres de 18.00 a 21.00 horas, e os sábados de 11.00 a 13.00 e de 18.00 a 21.00 horas.

A Concellaría de Formación de Culleredo, que organiza a mostra, sinala que "Imaxes con fondo" pretende promover a reflexión, o pensamento crítico e un cambio de actitude dentro da nosa sociedade, por medio da palabra e a imaxe. Deseñada polo debuxante Pepe Carreiro, está conformada por 19 obras que concursaron nas dúas seccións do certame, que se reeditará en 2014.

No apartado dirixido a persoas adultas, convidábase a reflexionar ao redor da repercusión das nosas prácticas sobre os países do Sur. Na categoría xuvenil, o tema central era a solidariedade na nosa sociedade.

A exposición resultante aposta así polas condutas respectuosas coa contorna e coas persoas que nela habitan. A solidariedade intergeneracional, o aforro enerxético, a protección ambiental, o consumismo, a prostitución, a explotación laboral, a crise alimentaria e as desigualdades Norte-Sur son algunhas das temáticas abordadas.

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina