O Concello de Culleredo, a través da Concellería de Cultura, ten previsto solicitar á Xunta de Galicia, a través da Secretaría Xeral de Política Lingüística, dous cursos preparatorios para as probas dos niveis de Celga 2 e Celga 4. Son necesarias un mínimo de 20 persoas para poder impartir o curso.

A Consellería de Cultura, en función da demanda de formación e dos recursos dispoñibles, planificará a programación dos cursos, onde constarán os niveis de formación que se van impartir, as datas e horarios de realización. Os destinatarios son persoas maiores de 16 anos ou que os fagan durante o ano 2014. O prazo para facer a preinscrición remata o día 20 de febreiro.
 
A realización dos cursos estará suxeita á concesión por parte da Xunta de Galicia.
 
Pode realizarse a preinscrición indicando o nivel do curso ao que desexa asistir a través de correo electrónico (servizosmultiples@gmail.com), o teléfono 981 665597 ou persoalmente no Edificio de Servizos Múltiples do Burgo aportando os seguintes datos:
Nome e apelidos, D.N.I, teléfono de contacto e correo electrónico.
 
CURSO PREPARATORIO CELGA 2 E CELGA 4
DATA DE REALIZACIÓN: MESES DE ABRIL E MAIO
PRAZO MÁXIMO PARA A PREINSCRICIÓN: 20 DE FEBREIRO