O Concello e os veciños do Burgo volven sumar forzas coa segunda Limpeza do río Trabe

O movemento veciñal e municipal pola mellora do paseo do río Trabe celebrará este sábado, 24 de novembro, o seu segundo acto. Tras a primeira acción de limpeza voluntaria que tivo lugar o pasado outubro, o Concello e a asociación de veciños Río Trabe volven a unir forzas para avanzar na posta en valor deste recurso natural emprazado no centro do Burgo.

Será de 10.00 a 13.00 horas, nunha actuación promovida desde a Oficina Municipal de Voluntariado (OMVOL) e a mencionada entidade municipal. Contarase co apoio de Protección Civil para a retirada do lixo e maleza do leito do río.

Haberá un punto de recepción e información de voluntarios sinalado axeitadamente, no que o Concello repartirá material necesario para a limpeza, coma luvas, bolsas plásticas, ou chalecos identificativos.

A limpeza colectiva comezou no treito que discorre por Acea de Ama, entre a ponte dos Muiños de Acea de Ama e aponte da autopista. Os participantes, entre os que se atopou tamén o alcalde, Julio Sacristán, retiraron en outubro moita maleza e lixo, con elementos coma anacos de quitamedos, bolardos ou mesmo un carro da compra dun supermercado.

Como aínda quedaba traballo por facer, o Concello e a asociación emprezáronse a unha nova edición, sinala a concelleira de Xuventude e Voluntariado, Marta Iglesias. A acción pretende concienciar á sociedade da responsabilidade de todos no coidado da natureza e poder devolver o valor ecolóxico, paisaxístico e recreativo á zona, sinala a edil.

O paseo do río Trabe conforma un amplo espazo de lecer para os veciños do Burgo e Acea de Ama en pleno núcleo urbano. Un carril bici, mobiliario e natureza son as características deste camiño, utilizado a diario por ducias de veciños e moitos deportistas.

Sen embargo, o estado do leito fluvial non é o mellor, froito do vandalismo. O Concello de Culleredo e os veciños decidiron sumar forzas para mellorar este espazo e aminorar os danos provocados por este tipo de actitudes incívicas.
 

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina