Culleredo celebrou a gran festa da solidariedade e o voluntariado

concerto

O mundo da cooperación e voluntariado cullerdense celebrou o seu día grande. O Concello preparou unha gala para recoñecer o traballo dos voluntarios, á vez que para animar á cidadanía a colaborar cada vez máis coas causas que máis o necesitan hoxe en día.

O Concerto Solidario, que levou por lema “En clave de solidariedade”, tivo lugar o venres 30 de marzo no Conservatorio Municipal de Música, sito no Burgo. Ademais de alumnos do Conservatorio, participaron as diferentes ONGs sitas no concello de Culleredo: Mundo Cooperante, Mestura, Mosaico e Cáritas, xunta coa Oficina Municipal de Voluntariado.

O concerto tivo unha duración de hora e media. Durante este tempo interpretáronse varias pezas musicais por parte do alumnado do Conservatorio, ao tempo que se visionaron varias presentacións dixitais sobre o que está a facer cada ONG e tamén a Oficina Municipal de Voluntariado.

Entre peza e peza unha persoa representante de cada ONG falou da súa labor. O Concerto, que contou coa asistencia de decenas de persoas no público, rematou cunha canción solidaria cantada polo alumnado do Conservatorio.

A concelleira de Xuventude, Marta Iglesias, explica que con esta iniciativa o Concello quere dar a coñecer o importante papel que teñen as entidades sociais en Culleredo. “Hoxe máis que nunca debemos inculcar valores de solidariedade que propicien a participación comunitaria e o voluntariado”, afirma.

Sede electrónica

Trámites en linea, tablón oficial, carpeta ciudadana...

 

Canal Culleredo

Emisiones en directo y material audiovisual.

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina