O alcalde de Culleredo, José Ramón Rioboo, e a tenente de alcalde e concelleira de Deportes e Participación Cidadá, Cristina Pardo, recibiron esta mañá a Santiago Pichel Arca, novo Xefe da Primeira compañía da Comandancia da Garda Civil da Coruña.

Ambos lle desexaron “toda a sorte nesta nova etapa”, tendendo a man desde o Concello a “unha estreita colaboración en todo o necesario coa Garda Civil e que redunde, por suposto, na seguridade e benestar das cidadás e cidadáns”.

Asistiron tamén o Capitán José Antonio Táboas Treviño, segundo Xefe da Primeira Compañía da Comandancia da Coruña e a Tenente Silvia Escobar Pin, Xefe Posto Principal de Culleredo. O alcalde entregoulle un detalle a Santiago Pichel Arca tras o seu recente nomeamento.