O Concello de Culleredo continúa traballando na obra de Vilaboa para dar resposta ás necesidades das veciñas e veciños da zona. Esta mañá procedeuse ao calibrado dos semáforos da parte baixa da vía, próximos á nova rotonda do olivo, facendo especial fincapé nos momentos de entrada e saída dos centros educativos.

O xefe da Policía Local, José Ramón Couceiro, e persoal responsable da empresa que executou a instalación destes elementos, probaron a nova cadencia de paso, que se aumentará a 20 segundos.

Faise especial énfase nos tramos de 8:00 a 9:00 horas e de 14:00 a 14:45 horas, cunha maior capacidade de resposta no pulsador para os peóns e un aumento da velocidade de resposta para o cruzar, como comentabamos anteriormente.