O Concello de Culleredo, a través da Concellería de Dinamización Social, ten previsto impartir ao longo dos meses de outubro e novembro deste ano unha serie de accións formativas, dirixidas preferentemente aos/ás veciños/as de Culleredo que preferentemente se atopen en situación de desemprego e inscritas no Servizo Público de Emprego de Galicia.

Con esta formación preténdese capacitar ás persoas para o desempeño cualificado das profesións e o acceso ao emprego, favorecer a formación das persoas traballadoras mellorando a súa capacitación profesional e desenvolvemento persoal, contribuír á mellora da productividade e competitividade das empresas, proporcionar aos traballadores os coñecementos axeitados ás competencias profesionais requiridas no mercado de traballo e ás necesidades das empresas e mellorar a empregabilidade e a recualificación dos traballadores, especialmente dos que teñen dificultades de mantemento do emprego ou de inserción laboral.

A preinscrición realizarase do 25 ao 29 de setembro de 2023 por rigorosa orde de preinscrición, a través do seguinte formulario: formulario de preinscrición

Consulta no arquivo adxunto toda a información respecto á actividade formativa en introdución ás demencias: clasificación, recursos sociosanitarios e rol da persoa coidadora. En total, serán 20 horas por edición e celebrarase no Centro Municipal de Formación e Emprego 'Pablo Picasso' de Culleredo.