O Concello de Culleredo, ante a presenza de varios niños de procesionaria no Paseo Marítimo, concretamente na contorna da Cros, decidiu perimetrar varias coníferas para así impedir o paso a humanos e animais, imposibilitando con esta medida calquera prexuízo que lles poida causar.

Algúns exemplares caeron xa ao chan, co conseguinte perigo que isto entraña, polo que se decidiu valar a contorna dos piñeiros e protexer así á poboación. Agora, desde Medio Ambiente analizaranse os pasos para seguir para poder anular estes emprazamentos do insecto e eliminar así o perigo.

A solución máis factible, polo momento, é a colocación dos típicos “colares trampa”, como se fixo no pasado nalgúns exemplares do Xardín Botánico, para erradicalos sen que supoña perigo para o axente aéreo, o chan ou as persoas e animais. Inxectar substancias na savia ou utilizar feromonas son outras fórmulas que se barallan para combater á procesionaria.