Nestas datas do Entroido as rúas, as parroquias e os diferentes centros sociais do Concello de Culleredo énchese de xente disfrazada con ganas de pasalo ben. Tanto maiores como pequenos gozan nestes días dunha variada oferta de actividades relacionadas co Entroido.

No Entroido de Veiga, un dos máis multitudinarios, congregáronse centos de persoas xunto á igrexa da parroquia para celebrar a Romería de San Blas. Houbo concurso de disfraces, comida e música para amenizar a xornada.

Os maiores tamén celebraron o seu Entroido no Centro Cultural de Rutis o pasado venres, 9 de febreiro. Levaronse a cabo concursos de disfraces e de larpeiradas da época: orellas, filloas... Non faltou a música e o bo ambiente.

Ademais, os centros sociais das diferentes parroquias encargáronse de celebrar as súas propias festas de Entroido, con obradoiros e actividades dirixidas aos máis pequenos.