Acompanado dos concelleiros do equipo de goberno, o alcalde tivo palabras de agradecemento para os seus compañeiros, para os edís da oposición, para os traballadores municipais e por suposto para os veciños de Culleredo.

Como feitos máis destacados do seu paso pola alcaldía lembrou a recuperación do paseo marítimodo Burgo, antes ocupado pola fábrica La Cros, ou a posta en marcha dos centros educativos e deportivos ou servizos como o abastecemento e o saneamento.

Agora, confesou, pasará a ser un veciño activo. "É difícil que eu estea parado".

Sacristán presentará mañá oficialmente a súa renuncia, que será efectiva pola tarde no pleno. Desde ese momento, e de forma provisional ata que se celebre o pleno de elección no do novo rexedor, será alcalde en funcións o primeiro tenente de alcalde, José Ramón Rioboo.