Completada a mellora da rede de auga en 12 rúas do municipio

O Concello de Culleredo finaliza as obras de renovación da rede de abastecemento de auga nun total de 12 rúas do municipio. Trátase de actuacións que pretenden modernizar as instalacións e tubaxes para evitar avarías xa de forma preventiva.
 
Por unha banda, o Concello acometeu un proxecto nas rúas Federico García Lorca, Rafael Alberti, O Xesto, Reveriano Soutillo, Río da Cova, Andrés Reboredo e San Manuel. En todas estas vías instaláronse novas tubaxes e repuxéronse as conexións e acometidas existentes.
 
O segundo proxecto realizouse nas rúas Os Pereiros, As Catas, Rafael Dieste, A Regueira e a avenida de Alvedro. Neste caso, quedou pendente o cruzamento na Nacional 550 en Alvedro, á espera da autorización do Ministerio de Fomento, titular da vía.
 
O investimento foi no primeiro caso de 41.038,43 euros e no segundo de 125.671,37 euros, polo que a contía total supera os 165.000 euros. As obras contaron co cofinanciamento da Deputación da Coruña. 
 
Así mesmo, o Concello xa comezou os traballos na vía entre Goiente e Silvar, onde tamén se modernizará o abastecemento. Neste caso, o investimento alcanzará os 30.968,83 euros.
 
O alcalde de Culleredo, Julio Sancristán, considera "fundamental" realizar un traballo preventivo para manter a rede de abastecemento "nas mellores condicións" e reducir as avarías aos veciños. 
 
O departamento de Obras e Servizos, que dirixe José Ramón Rioboo, promove as inspeccións dos técnicos na rede de auga, o que permite seleccionar os lugares apropiados para actuar e mellorar as tubaxes.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina