Un espectáculo de teatro infantil estreará o venres o novo auditorio de Servizos Múltiples

Xa hai data para que os veciños gozar do novo auditorio do Burgo, no Edificio de Servizos Múltiples que o Concello de Culleredo remodelou. Será este venres 13 de maio e para a ocasión o goberno local, conmemorando a gran actividade de arte escénica que sempre tivo este edificio, elixiu un espectáculo de teatro infantil dedicado a Manuel María, autor homenaxeado este ano nas Letras Galegas.
 
A representación teatral leva por título "Historia dunha espiña de toxo", e está inspirada na xenial obra de Manuel María "Aventuras e desventuras dunha espiña de toxo chamada Berenguela". Tratarase dunha adaptación cómica, moi dinámica, do texto.
 
O acto dará comezo ás 19.30 horas do mencionado día 13. Está incluído no programa Cultura no Camiño.
 
O novo auditorio ten acceso independente e dispón de vestíbulo, para protexer da choiva na entrada, e de aseos propios. Cunha capacidade para unhas 250 persoas, conta cun amplo escenario para acoller todo tipo de actos, desde teatrais a concertos ou musicais.
 
A reforma do salón enmarcouse na primeira fase de rehabilitación do Edificio de Servizos Múltiples, punto neurálxico da zona urbana de Culleredo en canto a actividade cultural e atención á cidadanía. O resto de novas dependencias do Edificio abriranse en canto se instale o novo mobiliario, cuxa dotación acaba de ser contratada.
 
A concelleira de Cultura, Carmen Varela, considera "ideal" que a estrea do auditorio sexa con cultura, pola rica programación que impulsa o Concello ao longo de todo o curso. A edila sostén que tras as obras lógrase un espazo "moderno e con todas as condicións para a celebración de calquera tipo de acto".

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina