O Concello de Culleredo desenvolverá os próximos días unha ampla programación cultural con motivo da celebración do Día do Libro. A Concellaría de Cultura deseñou un amplo plan de actividades dirixidas en parte aos nenos e en parte á poboación adulta do municipio.
A programación infantil abrirá a semana. O luns 21 ás 18.30 horas terá lugar unha sesión de teatro para bebés, a cargo de Charo Pita, da compañía Triquetraque-Traquetriqui. A entrada será libre.
O martes 22 ás 18.30 horas os nenos a partir de 3 anos de idade gozarán da "Aventura na cociña", a cargo de Trinketrinke Teatro. A entrada tamén será libre. O venres 25 á mesma hora, con necesaria inscrición previa, chegará a quenda do taller de contos con "Cincenta", dirixido a nenos de 5 a 8 anos de idade.
O mesmo venres 25 levará a cabo uno dos principais actos: "Máxico-Sons", unha aventura entre libros, a cargo do músico Álvaro Muras e do ilusionista Martín Camiña. Será ás 19.30 horas e está destinado a un público familiar. Entrada libre.
Todas as actividades infantís teñen carácter gratuíto e celebrarase no Edificio de Servizos Múltiples do Burgo, onde se atopa a Biblioteca Miguel González Garcés.
A programación para adultos comezará tamén o luns 21, ás 19.30 horas, co faladoiro de arte, a cargo de Luisa Valdés. Será na biblioteca do Burgo, con entrada libre.
Do martes 22 ao xoves 24 desenvolveranse faladoiros histórico-literarias, a cargo do historiador municipal Carlos Pereira, con entrada libre. O programa é o seguinte:
A programación cultural de abril xa comezou con contacontos ou talleres de contos en inglés. Onte mércores de desenvolveu no Burgo o espectáculo de monicreques "Linocho e a lúa", a cargo de Monicreques Falcatrúa, logrando congregar a decenas de pequenos.
A concelleira de Cultura, Alicia Ferreiro, destaca continua programación cultural que ofrece o Concello, con actos para todas as idades. A edila anima a sumarse á celebración do Día do Libro e contribuír así a fomentar a lectura, especialmente entre os máis pequenos.
Vista previa | Adxunto | Tamaño |
---|---|---|
diptico_abril_mes_dos_libros_biblioteca_infantil_e_adultos.pdf | 1.92 MB |
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER