O Concello de Culleredo celebra o vindeiro sábado, 13 de abril, a XVIII edición do Certame de Canto Coral. Nesta ocasión, a cita servirá ademais para conmemorar o XX aniversario da Coral Fonte do Souto, de Culleredo.

O certame terá lugar desde as 19.30 horas na igrexa parroquial de Culleredo, sita en Tarrío, xunto á Casa do Concello.

Os participantes serán o Orfeón Herculino, o Coro do Colexio Internacional de Eirís, a Coral Airiños de Quenxe, de Corcubión, e a propia Fonte do Souto.