O Concello de Culleredo celebrou o seu primeiro pleno municipal xuvenil. Máis de 100 alumnos de 4º de ESO do instituto Blanco Amor acudiron á casa consistorial para debater diversos asuntos do seu interese, nunha sesión presidida polo alcalde, Julio Sacristán, e a concelleira de Educación Carmen Varela.

Cada unha das catro clases do curso contou con concelleiros representantes, que foron os encargados de tomar asento no estrado e elevar as propostas que previamente elaboraron. Ao final, produciuse unha votación e os comentarios do alcalde.

Catro foros os temas que centraron o debate:

Esta última foi a proposta que maior aceptación tivo entre os representantes das clases.

Logo chegou a quenda de rogos e preguntas. Unha das rapaces expuxo ao alcalde a necesidade de que incrementar a velocidade de conexión a internet no instituto mentras que outra preguntou por que as beirarrúas non están completadas no acceso pola porta pequena. O rexedor explicoulle que iso depende do desenvolvemento da unidade de actuación urbanística por parte dunha iniciativa privada.

Finalmente, outro dos representantes suxeriu a instalación de aire acondicionado nas clases ante a chegada do verán. Sacristán sinalou que o Concello non pode tomar esa decisión, que hai que trasladala á Xunta de Galicia.

O público tamén se quixo sumar ao pleno. Aínda que regulamentariamente nun pleno municipal, para que interveña o público, ten que solicitalo con antelación, a alcaldesa permitiu esta excepción.

A pregunta encamiñouse ao Conservatorio. O rapaz cuestionou se se vai crear unha escola de música. Sacristán explicou que o Concello busca fórmulas para lograr a máxima rentabilidade dun servizo que non é obrigatorio. Neste senso, coa creación en paralelo dunha escola de música, á que accederían alumnos que non podían entrar no Conservatorio pola esixencia que iso suporía, poderíase aumentar os ingresos.

O que ten claro o alcalde é que sendo un servizo que el impolsou, "serei o último en baixarme do barco".

Coa celebración deste pleno o Concello quixo conmemorar o bicentenario da Constitución de Cádiz. O alcalde levantou a sesión animando aos alumnos a promover un maior debate con argumentación das súas posturas para vindeiras ocasións.