Está aberta na Aula de Natureza “Juan Lembeye” do Xardín Botánico “Ría do Burgo” (O Burgo – Culleredo) unha exposición sobre APICULTURA promovida pola Asociación Galega de Apicultura (ARGA).

A exposición estará aberta ao público ata o 24 de xaneiro, no seguinte horario:

• Luns a venres: de 18.00 a 21.00 h.
• Sábados: de 11.00 a 13.30 h e de 17.00 a 21.00 h.

Na exposición pódense contemplar diversos elementos relacionados coas abellas e a fabricación de mel e cera, tales como Covos, cortizos, colmeas modernas, despece de colmeas, extractor de mel, traxe e lubas de abelleiro, afumador, panal de mel, cazapolo, cazapropoleo, cerón, cera estampada, etc.

Tamén hai colocados unha serie de carteis de carácter didáctico no que se tocan aspectos como as contrucións apícolas, morfoloxía e vida das abellas, as flores, o mel, o pole, os apicultores, os meles de Galicia, etc.