Entre os días 18 e 27 de novembro desenvólvese, na Aula de Natureza “Juan Lembeye” do Xardín Botánico Ría do Burgo, as actividades do XXXVI Concurso-exposición ornitolóxico, que organiza a Sociedade Coruñesa de Canaricultura e no que colabora a Concellería de Cultura do Concello de Culleredo dende hai xa varios anos.
Ademais das actividades estrictamente propias do Concurso (recepción de exemplares, enxuizamentos dos paxaros…), está previsto que se abra a Exposición ao público, tanto dos exemplares que participan no concurso como dos debuxos presentados ao Concurso de debuxo infantil convocado en colexios da comarca, nos seguintes días e horarios:
-Do luns 21 ao venres 25: de 18.00 a 21.00 h.
-Sábado 26: de 11.00 a 13.30 h e de 17.00 a 21.00 h.
O domingo 27 celebrarase o acto de entrega de premios e trofeos, con este programa:
-De 12.00 a 12.30 h, entregaranse os premios do Concurso de debuxo infantil.
-De 12.45 a 14.00 h, entregaranse os premios do Concurso ornitolóxico.