OS SETE MAGNÍFICOS MÁIS UN. DOUS PALLASOS EN APUROS

(Espectáculo de clown, comedia e humor indicado para público familiar)
     
Terá lugar o venres 4 de novembro ás 19.30 horas no Edificio de Servizos Múltiples do Burgo.

Entradas: Xeral 4 euros, reducida 2 euros

Elenco: Fran Rei e Pedro Brandariz.

Sinopse:

Dous pallasos en apuros é unha comedia que pretende achegar ao público infantil e familiar as aventuras e desventuras dunha atípica parella de clowns, co humor, a comicidade e a ilusión herdadas dos números clásicos de pallasos de circo.

Detrás dos nosos narices vermellos, agóchanse Fran Rei e Pedro Brandariz, que lles dan vida no escenario a unha serie de personaxes do máis curiosos, divertidos e aloucados.

Co espírito clown característico da nosa compañía como nexo, os nosos protagonistas empéñanse en recrear en escena diversas situacións, sen acadar en ningunha delas o éxito pretendido. Así, preséntase a pasaxe inicial do universal Don Quijote de la Mancha, pero o resultado non será o que eles procuraban. De fracaso en fracaso, aparece outro personaxe clásico, Guillerme Tell, pero neste caso con serios problemas de puntería.