Información Sobre O Transporte Metropolitano da Area de A Coruña

Veciños/as de Culleredo:

Despois de moitos anos de traballo, parece que o 15 de outubro de 2010 teremos implantada a "TARXETA UNICA DE TRANSPORTE METROPOLITANO", que se poderá utilizar en todas as empresas de transporte de Galicia, quere dicir que a podes utilizar o mesmo na área de A Coruña que na Área de Santiago ou Pontevedra.

No que se refire a Área de A Coruña funcionará do seguinte xeito:

a) Se tes a tarxeta metropolitana actualmente, a Caixa de Aforros de Galicia envíache a nova tarxeta á casa unha vez que a recibas terás que pasar por unha oficina da Caixa de Aforros de Galicia para recargar ou que che transfiran os cartos da actual á nova tarxeta; durante algún tempo funcionarán as dúas, pero a antiga non terá as vantaxes da nova.

b) Se non tes tarxeta, terás que solicitar no mes de setembro a nova tarxeta metropolitana na Caixa de Aforros de Galicia que terá as seguintes vantaxes:

Serve para desprazarte a calquera concello da Área de A Coruña: Betanzos, Bergondo, Carral, Cambre, Culleredo, Oleiros, Arteixo, Sada e A Coruña.

Non pagarás transbordo cando cambies de autobús ou compañía, polo que ti podes coller o bus en Orro e cambiar en Coruña e non pagarás transbordo.

O prezo do billete varía en función do Concello onde vivas en Culleredo ou Oleiros, terás un salto vivas onde vivas en ambos Concellos e o prezo do billete será de: 1,25 €, se utilizas a tarxeta e fas menos de 40 viaxes ó mes: 0,72 €; se pasas dos 40 viaxes 0,61€ (as tarifas actuais, pero poden sufrir modificacións en función do IPC ata o mes de posta en funcionamento).

O prezo do billete é igual para todo o Concello de Culleredo, vivas en Vilaboa, O Burgo, Almeiras ou Castelo; como ves no parágrafo anterior abarata bastante.

Para utilizar o transporte metropolitano non é necesario dispor de tarxeta, podes pagar en efectivo pero non terás as vantaxes dela.

Os concesionarios das liñas, reciben das administracións a subvención que deixan de percibir pola rebaixa dos billetes do seguinte xeito:

Os Concellos aportan o 20 %

A Xunta de Galicia ó 80 %

Transbordos: financia a Xunta o 100 %

Transporte de interese municipal: financian os Concellos o 100 %

2.1.1 Incremento da oferta nas liñas de predominante interese municipal.

O incremento da oferta dos servizos de interese municipal determinouse de xeito consensuado con tódolos concellos que conforman a ATM da Coruña. As novas liñas

deberán ser materializadas mediante contratos-programa e financiadas, na súa totalidade, polos propios concellos.

Deste xeito, a nova oferta de servizos de interese municipal nos concellos da ATM da Coruña, queda definida na seguinte táboa.

Táboa 1. Incremento da Oferta dos Servizos de Interese Municipal (SIM)

CONCELLO	LIÑA	PERCORRIDO	EXPEDICIÓNS
CAMBRE	CCAMBM-2 Cambre-Andeiro	Cambre-A Patina-Os Campóns-A Cabana-Anceis-Mercurín-Andeiro-Gosende-Tabeaio-Altamira-Cruce A Rocha-A Cabana-Os Campóns-Cambre-A Patina	16 expedicións diarias L-V Laborais
	CCAMBM-3 Cambre-Polígono Espíritu Santo	Cambre-A Patina-Armental-Pravio-Apeadeiro de Cecebre-Lendoiro-Polígono Espíritu Santo-Pravio- Cambre- A Patina	14 expedicións diarias L-V Laborais
	CCAMBM-4 Cambre-Meixigo	Cambre-Patiña-Cela-Meixigo-Patiña-Cambre	14 expedicións diarias L-V Laborais
CARRAL	CCAM-1 Carral-Gosende-Carral	Carral-Coiro-Cañás-Segude-Gosende-Segude-Cañás-Coiro-Carral	4 expedicións diarias L-V Laborais
	CCAM-2 Carral Circular 1	Carral-Cabrois-Urb. O Xalo-Cruce Alto do Xalo-Urb. O Xalo-Folgueira-Vilaverde-A Brexa-Carral	4 expedicións diarias L-V Laborais
	CCAM-3 Carral Circular 2	Carral-As Cavancas-Quembre-A Horta do Conde-Barcia-A Cabra-Central Térmica de Meirama-A Cabra-Lamedal-Lale-Barcia-A Horta do Conde-Quembre-As Cavancas-Carral	4 expedicións diarias L-V Laborais
CULLEREDO	CCUM-1 O Burgo-Vilaboa	Apeadeiro do Burgo-Haley-Centro de Saúde-Vilaboa-O Bosque-Tarrio-Culleredo	29 expedicións diarias L-V Laborais
OLEIROS	COLM-3 Lorbé-O Burgo	Lorbé-Dexo-Cubo-Mera-Maianca-Broño-Os Galgos-Arillo de Arriba-Rialta-Abeleiras-Franzomel-Santa Cruz-Coruxo-A Ferralla-A Barreira-Oleiros-Iñas-Morzán-Vilares-Vilanova-Xardín de Nos-A Veiga-San Pedro-Costa Tapia-Apeadeiro do Burgo	15 expedicións diarias L-V Laborais
SADA	CSAM-1 Sada Circular	Sada 1-Sada 2-Fontán-Espiñeiro-A Pereira-Campo dasMantas- Agra-O Chan da Aldea-Taibó-A Lamela-Fortiñón-Carta-Cacharrete-Mosteirón-A Esperela- Machado-Castelo-A Hedreira-Os Cabidos-Mandín-Costa-Campo de Sar-Alborelle-Obra de Paño-O Castro-Samoedo 1-Samoedo 2-Samoedo 4-Sada 1	16 expedicións diarias L-V Laborais

A fixación definitiva dos itinerarios, horarios e calendarios das expedicións farase nos Contratos-Programa a firmar cos diferentes operadores de transporte. En caso de existir varios concesionarios afectados, a Xunta de Galicia procurará en primeiro lugar o acordo entre operadores. En caso contrario, promoverá as medidas lexislativas oportunas para materializar este incremento de oferta no menor tempo posible.

2.1.2 Incremento da oferta no transporte metropolitano da ATM da Coruña.

O incremento da oferta nos servizos de interese metropolitano determinouse para mellorar a acesibilidade dos diferentes núcleos poboacionais dos distintos concellos que compoñen a ATM da Coruña. Deste xeito, e de maneira consensuada, incrementouse a oferta nuns casos, en liñas metropolitanas xa existentes e, noutros casos, coa creación de novas liñas para facilitar a conectividade con zonas residenciais emprazadas noutros municipios diferentes ao municipio cabeceira.

A seguinte táboa amosa o incremento de servizos de interese metropolitano acordado entre as diferentes administracións implicadas.

Táboa 2. Incremento da Oferta dos Servizos de Interese Metropolitano (SIMe)

CONCELLO	LIÑA	PERCORRIDO	EXPEDICIÓNS
ABEGONDO/BETANZOS	CABM-2 Betanzos Abegondo	Abegondo-Betanzos	4 expedicións diarias L-V Laborais
BERGONDO	CBEM-2 Sada-San Cidre	Sada-Costa de Ouces-O Casal-Lubre-Armuño-Espiritu Santo-A Campiña- San Cidre	8 expedicións diarias L-V Laborais
BERGONDO	CBEM-3 Betanzos-Sada	Sada-Marina-A Lagoa-Tatín-Gandarío-Moruxo-San Isidro-Cruz do Mar-Banco-Panchón-Calias-Modelo-Ponte de Ferro-Angustias-Pontenova- Betanzos	4 expedicións diarias L-V Laborais
BERGONDO-BETANZOS	CBEM-1 Betanzos-San Cidre	San Cidre-Babío-Rois-A Fraga-Betanzos	4 expedicións diarias L-V Laborais
CAMBRE	CCAMBM-1 A Coruña-A Mota por polígonos industriais	A Coruña-Polígono Oleiros-Polígono Cambre-Polígono Bergondo-A Mota-Cambre	6 expedicións diarias L-V Laborais
CAMBRE/CULLEREDO	CM-1 A Coruña-Cambre Directo	Cambre-A Barcala-O Burgo-A Coruña	32 expedicións diarias L-V Laborais
CARRAL/CAMBRE/CULLEREDO	CM-2 A Coruña-Carral por Almeiras	Carral-Altamira-A Pena-A Telva-O Burgo-A Coruña	20 expedicións diarias L-V Laborais
OLEIROS	COLM-1 Coruña-O Carballo-Oleiros	Glorieta Pazo de Arenaza-Cobada-Miraflores-A Cruz-Cristo Rey-O Carballo N-VI-Mesón da Agua-Fortaleza-Raqueta-Graxal-O Seixo-Beiramar-Christian de Jaba-Bodegas P.-Perillo-Pasaxe-Montserrat-Materno Infantil-Residencia Juan Canalejo-Os Castros-Gaiteira-A Coruña	32 expedicións diarias L-V Laborais
OLEIROS	COLM-2 A Coruña-Montrove-Oleiros	Oleiros-A Pezoca-Os Regos-As Pedreiras-Residencia Agarimo-Lamastelle-Montrove-Solana-Lucín-Christian de Jaba-Bodegas P.-Perillo-Pasaxe-Montserrat-Materno-Infantil-Residencia Juan Canalejo-Os Castros-Gaiteira	32 expedicións diarias L-V Laborais

Seguiremos informando

Culleredo

Concello

Servizos Municipais

Información Sobre O Transporte Metropolitano da Area de A Coruña

Sede electrónica

Canle Culleredo

Teléfonos de interese

Séguenos en Twitter