O venres día 5 de febreiro, 195 alumnos/as de 4º de educación primaria dos colexios de Tarrío, Sofía Casanova, Díaz Pardo e Ría do Burgo, asistiron a un concerto de música clásica no Salón de actos do Conservatorio profesional de música da Concellaría de educación De Culleredo.

Este concerto didáctico foi interpretado por profesores da Escola municipal de música da Coruña, por mor do convenio asinado entre a OSG (Orquestra Sinfónica de Galicia) e a Deputación.

Durante os 50 minutos de duración do concerto, o alumnado fixo un percorrido polos diferentes estilos musicais e escoitaron temas representativos de cada un deles: Rock, Poprock, Salsa, Cha Cha Cha, Bolero, Jazz, Blues, Bossa Nova etc.

O Departamento municipal de educación leva varios anos ofertando aos centros escolares do municipio actividades musicais, co obxectivo de dar a coñecer ao alumnado os diferentes tipos de música e fomentar o gusto e aficción pola mesma.