O vindeiro día 4 de xuño ás 11 h., co galo da celebración do Día Mundial do medio ambiente, Culleredo realizará unha plantación de árbores no Paseo Fluvial do Río Trabe á altura do Colexio Isaac Díaz Pardo. As árbores plantadas son doadas pola Axencia Estatal de Meteoroloxía da Coruña. Ao acto asistirán, ademais dos veciños e veciñas que queiran participar do mesmo, os compoñentes do Coro municipal de persoas maiores que farán a plantación. Tamén se contará coa participación de Francisco García en representación da Axencia Estatal de Meteoroloxía, Julio Sacristán de Diego, alcalde do Concello de Culleredo, que estará acompañado polos concelleiros de medio-ambiente e educación, Narciso Marzoa e Carmen Varela Corbelle, respectivamente.