O vindeiro xoves, 23 de abril, ás 18.30 horas, terá lugar no salón de actos do conservatorio profesional de música de Culleredo o concerto da orquestra de alumnos/as do conservatorio profesional de música do colexio Obradoiro. A devandita agrupación está dirixida por Javier Vidal.
Esta actividade, organizada pola Concellaría de educación, está encadrada nun programa de intercambios musicais entre conservatorios, previstos co gallo de favorecer a interrelación social entre estudantes e fomentar o hábito da escoita de música en directo.

A entrada é libre ata completar aforo.